كوميدياء الشارع الليبي

كوميدياء الشارع الليبي لو تتجسد في الجانب العملي ستكون الأفضل لكن
:هـــــات من يفهم المهم أنخليكم مع هدا الإبداع


ثلاثة تدعو لهم بالهداية : البلعوط ..والمحسدي.. والخنايسي
....يكفيكم شرهم الثلاثة


ما تستغربش منهم في ليبيا : واحد قاص السريع على رجليه..... وواحد
...... يسوق في الاتجاه العكسي ..... وواحد طالع في الاحمر

ثلاثة كان مشوا تتمنى ما عادش يولوا : الفقر ..والمرض.. والبنت كان تزوجت


ثلاثة تتمنى ما تصبحش فيهم : سواق افيكو مستعجل....وطابور طويل في
الشيل.... والمدير المتعارك مع مرته


•ثلاثة صعب نتخلى عنها : الماء...والهواء...والبازين

ثلاثة محتاجات واسطة : البعثات..والشقق...وأى مصلحة إدارية تبي
تقضيها


• ثلاثة يرفعوا الضغط : الملح..وزحمة المرور..والعيل كان عشش


• ثلاثة تسبب الغرور : الفيلا... والهامر..وبدلة الحرس البلدي


ثلاثة ياكلوا في لحوم البشر: الحيوانات المفترسة....والبزناسة

. . ... الكبار ... وجماعة القرمة كان شبعوا


تلاثة لازم نتخلى عليهم : التفنيص.. والتلقيح....واللُّـقني وقت العمل



ثلاثة ما يرقدوش الليل : المديون.. والخانب.. وواحد نايضة عليه
السوسة


ثلاثة شبه اختفوا من ليبيا : الدلاع الطويل.. واحترام الشيابين
....والفراشية

ثلاثة ما تحسش بطعمتهم الا في ليبيا : امبكبة على
الحطب....وبورديم.....وشاهي العاله

ثلاثة ربي يفكك منهم : مجاري مفتوحة......وكلب مطلوق .....والرشادة
الطايشة


ثلاثة ما ليهمش معنى إلا في ليبيا : العسلوز.. والزميطة.. والعصبان



• ثلاثة لا تستخدم إلا في ليبيا : الحمّاس..والكانون..والمغرف